(បាត់ដំបង)នៅថ្ងៃទី៦ ខែមិថុនា ឆ្នាំ២០២៥ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញដឹកនាំគណៈប្រតិភូ ចុះសួរសុខទុក្ខកម្លាំងកងពលតូចថ្មើរជើងលេខ៥២ កងការពារព្រំដែនលេខ៥០២ ផ្នែកសឹករងសំឡូត និងវរសេនាតូចនគរបាលការពារព្រំដែនលេខ៣១០ និង៨២៣ ដែលជាអង្គភាពឈរជើងការពារបូរណភាពដែនដី និងភូមិសាស្រ្តក្នុងស្រុកសំឡូត។ ព្រមទាំងមានការចូលរួមពីលោកឧត្តមសេនីយ៍ទោ ចន្ទ រដ្ឋា មេបញ្ជាការរងយោធភូមិភាគទី៥ ឯកឧត្តម លោកជំទាវ លោក លោកស្រី ប្រធានស្ថាប័ន មន្ទីរ អភិបាលក្រុង-ស្រុក ជាប្រតិភូអមដំណើរ។ក្នុងឱកាសដែលឯកឧត្តមអភិបាលខេត្តបាត់ដំបង ដឹកនាំប្រតិភូអញ្ជើញមកនេះ គឺបាននាំយកអំណោយជាស្បៀងអាហារជាច្រើន សម្រាប់ផ្តល់ជូនកងកម្លាំងទាំងអស់ដែលបំពេញបេសកកម្មតាមបន្ទាត់ព្រំដែន នេះបានបង្ហាញពីការយកចិត្តទុកដាក់ រួមចំណែកសម្រាលការលំបាករបស់កងកម្លាំងពីសំណាក់សមរភូមិក្រោយជួយសមរភូមិមុខ សម្រាប់បំពេញបន្ថែម ដើម្បីបម្រើលើការងារការពារជាតិ។ក្រោយពីបានស្តាប់មតិស្វាគមន៍ និងរបាយការណ៍របស់លោកវរសេនីយ៍ទោ សៀម ប៊ុនស៊ីម មេបញ្ជាការកងការពារព្រំដែនលេខ៥០២រួចមក ឯកឧត្តមអភិបាលខេត្ត បានធ្វើការសំណេះសំណាល និងផ្តាំផ្ញើរទៅកងកម្លាំងទាំងអស់ ត្រូវប្រកាន់ខ្ជាប់ និងគាំទ្រចំពោះគោលគំនិតដ៏ខ្ពង់ខ្ពស់បំផុត ប្រកបដោយកិត្តិបណ្ឌិតស្នេហាជាតិដ៏មោះមុតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងសម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងជាប្រធានក្រុមឧត្តមប្រឹក្សា ផ្ទាល់ព្រះមហាក្សត្រ នៃព្រះរាជាណាចក្រកម្ពុជា គាំទ្រស្តីពីការនាំយក បញ្ហានៅប្រាសាទតាមាន់ធំ ប្រាសាទតាមាន់តូច ប្រាសាទតាក្របី និងតំបន់មុំបី ទៅតុលាការយុត្តិធម៌អន្តរជាតិ (ICJ) ហើយប្តេជ្ញាយកអស់ស្មារតី មនសិការ ការពារអធិបតេយ្យជាតិ និងបូរណភាពទឹកដីពេញលេញរបស់កម្ពុជា ប្រកបដោយ សន្តិភាព មិត្តភាព សហប្រតិបត្តិការ និងការអភិវឌ្ឍ អោយបានរឹងមាំដាច់ខាត៕
ព័ត៌មានគួរចាប់អារម្មណ៍
សម្តេចធិបតី ណែនាំឱ្យក្រសួងរ៉ែ សា្ថប័នមានសមត្ថកិច្ច និងអាជ្ញាធរដែនដី ត្រូវសហការគ្នាអនុវត្តឱ្យបានម៉ឺងម៉ាត់ ដើម្បីទប់ស្កាត់ការធ្វើអាជីវកម្មរ៉ែអនាធិបតេយ្យគ្រប់រូបភាព ()
សម្តេច ម៉ែន សំអន គាំទ្រប្រធានបទ ភាពជាអ្នកដឹកនាំរបស់ស្ត្រីនៅរដ្ឋបាលមូលដ្ឋាន គឺជាការលើកគុណតម្លៃភាពជាអ្នកដឹកនាំស្ត្រី និងក្មេងស្រី នៅក្នុងរដ្ឋបាលថ្នាក់ក្រោមជាតិ ()
សម្តេចធិបតី ហ៊ុន ម៉ាណែត ចេញលិខិតជូនជនរួមជាតិ អបអរសាទរ «ក្រមាខ្មែរ» ដាក់បញ្ចូលក្នុងបញ្ជីតំណាង នៃបេតិកភណ្ឌវប្បធម៌អរូបីនៃមនុស្សជាតិ ()
ប្រធានវិទ្យាស្ថាន KSI មានជំនឿយ៉ាងមុតមាំថា ក្រោមការដឹកនាំប្រកបដោយចក្ខុវិស័យ និងភាពឈ្លាសវៃរបស់សម្ដេចបវរធិបតី កម្ពុជានឹងបន្តអភិវឌ្ឍ រីកចម្រើនឈានទៅកម្រិតខ្ពស់មួយថែមទៀត ()
សម្តេចធិបតី ឃួន សុដារី ៖ កិច្ចខិតខំប្រឹងប្រែងនិងការរួមវិភាគទានរបស់ IPTP បាននាំមកនូវការសម្រេចបានចក្ខុវិស័យនិងបំណងប្រាថ្នារួមដើម្បីសន្តិភាព វិបុលភាព និងវឌ្ឍនភាពសម្រាប់ប្រជាពលរដ្ឋ ()
វីដែអូ