ភ្នំពេញ៖ក្នុងឯកសណ្ឋានកងទ័ព សម្ដេចតេជោ នាយឧត្តមសេនីយ៍ផុតលេខផ្កាយមាស៥ ហ៊ុន សែន ប្រធានព្រឹទ្ធសភានៃកម្ពុជា បានប្រកាសដាក់ចេញនូវបទបញ្ជាម៉ឺងម៉ាត់បំផុត ដល់កងកម្លាំងប្រដាប់អាវុធទាំងអស់ ត្រូវត្រៀមខ្លួនជានិច្ចដើម្បីការពារសត្រូវ និងវាយបកសត្រូវដែលឈ្លានពានដែនអធិបតេយ្យកម្ពុជា។ក្នុងពិធីជួបសំណេះសំណាលជាមួយកងទ័ពជួរមុខនៅខេត្តព្រះវិហារ នារសៀលថ្ងៃទី២៦ ខែមិថុនា ឆ្នាំ២០២៥នេះ សម្ដេចតេជោ ហ៊ុន សែន បានអះអាងថា កម្ពុជាមិនចង់ធ្វើសង្គ្រាមជាមួយប្រទេសណាមួយនោះទេ ប៉ុន្ដែក៏មិនអាចឈរឱបដៃមើលប្រទេសណាមកឈ្លានពានកម្ពុជាបានដាច់ខាត។សម្ដេចតេជោ នាយឧត្តមសេនីយ៍ផុតលេខផ្កាយមាស៥ ហ៊ុន សែន មានប្រសាសន៍យ៉ាងដូច្នេះថា «យើងមិនចង់ធ្វើសង្គ្រាមទេ តែយើងត្រូវបង្ខំចិត្តធ្វើសង្គ្រាម នៅពេលមានការឈ្លានពានបានមកដល់ ដូច្នេះកម្លាំងទាំងអស់ត្រូវត្រៀមរៀបចំខ្លួន។លើកនេះយើងមិនត្រឹមតែការពារខ្លួនទេ យើងប្រើសិទ្ធិការពារខ្លួនផង និងយើងវាយបកផង»។បើតាមប្រសាសន៍របស់សម្ដេចតេជោ ហ៊ុន សែន, កម្ពុជាចង់បានសន្ដិភាព កងកម្លាំងប្រដាប់អាវុធទាំងអស់ចង់រួមរស់នៅជាមួយក្រុមគ្រួសារ ប៉ុន្ដែជម្លោះរបស់ប្រទេសជិតខាងគ្នាឯង តែបានបញ្ជូនជម្លោះមកជាមួយកម្ពុជា ដូច្នេះកម្ពុជាមិនអាចទទួលយកបាននូវការប្រមាថ ឬការឈ្លានពានមួយបានទេ។កម្ពុជា គឺជាតិសាសន៍ថ្លៃថ្នូរ ហើយមិនឈ្លានពានប្រទេសគេ ប៉ុន្ដែមិនឱបដៃឲ្យគេឈ្លានពានយើងដែរ។បុរសខ្លាំងកម្ពុជា ដែលធ្លាប់ហែលឆ្លងគ្រប់សមរភូមិ ដោយរកជីវិតធ្វើដើមទុនរំដោះប្រទេសចេញពីភ្លើងសង្គ្រាម នាំមកនូវសន្ដិភាព និងការអភិវឌ្ឍសព្វថ្ងៃនេះ បានបង្ហាញនូវជំនឿយ៉ាងមុតមាំថា នាយទាហាន នាយទាហានរង និងពលទាហានទាំងអស់ នឹងអនុវត្តនូវភារកិច្ចដែលត្រូវបានប្រគល់ដោយបញ្ជាការគ្រប់ជាន់ថ្នាក់ឲ្យបានគត់មុត៕
ព័ត៌មានគួរចាប់អារម្មណ៍
សម្តេចធិបតី ណែនាំឱ្យក្រសួងរ៉ែ សា្ថប័នមានសមត្ថកិច្ច និងអាជ្ញាធរដែនដី ត្រូវសហការគ្នាអនុវត្តឱ្យបានម៉ឺងម៉ាត់ ដើម្បីទប់ស្កាត់ការធ្វើអាជីវកម្មរ៉ែអនាធិបតេយ្យគ្រប់រូបភាព ()
សម្តេច ម៉ែន សំអន គាំទ្រប្រធានបទ ភាពជាអ្នកដឹកនាំរបស់ស្ត្រីនៅរដ្ឋបាលមូលដ្ឋាន គឺជាការលើកគុណតម្លៃភាពជាអ្នកដឹកនាំស្ត្រី និងក្មេងស្រី នៅក្នុងរដ្ឋបាលថ្នាក់ក្រោមជាតិ ()
សម្តេចធិបតី ហ៊ុន ម៉ាណែត ចេញលិខិតជូនជនរួមជាតិ អបអរសាទរ «ក្រមាខ្មែរ» ដាក់បញ្ចូលក្នុងបញ្ជីតំណាង នៃបេតិកភណ្ឌវប្បធម៌អរូបីនៃមនុស្សជាតិ ()
ប្រធានវិទ្យាស្ថាន KSI មានជំនឿយ៉ាងមុតមាំថា ក្រោមការដឹកនាំប្រកបដោយចក្ខុវិស័យ និងភាពឈ្លាសវៃរបស់សម្ដេចបវរធិបតី កម្ពុជានឹងបន្តអភិវឌ្ឍ រីកចម្រើនឈានទៅកម្រិតខ្ពស់មួយថែមទៀត ()
សម្តេចធិបតី ឃួន សុដារី ៖ កិច្ចខិតខំប្រឹងប្រែងនិងការរួមវិភាគទានរបស់ IPTP បាននាំមកនូវការសម្រេចបានចក្ខុវិស័យនិងបំណងប្រាថ្នារួមដើម្បីសន្តិភាព វិបុលភាព និងវឌ្ឍនភាពសម្រាប់ប្រជាពលរដ្ឋ ()
វីដែអូ