(ខេត្តពោធិ៍សាត់)លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ បានដឹកនាំគណៈស្នងការ ព្រមទាំងក្រុមកាងារ បានយកអំណោយនិងអញ្ជើញ ចុះសួរសុខទុក្ខ និងសំណេះសំណាលដល់ដល់ទីបញ្ជារការ វរសេនាតូចនគរបាលការពារព្រំដែនគោកលេខ៨២៥ នារសៀលថ្ងៃទី២៧ ខែកុម្ភៈឆ្នាំ២០២៥ ស្ថិតក្នងភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់ ។ជាកិច្ចចាប់ផ្ដើមលោកវរសេនីយទោមេបញ្ជាការរងវរសេនាតូចនរបាលការពារព្រំដែនគោកបានសម្តែងនូវគេរវកិច្ចស្វាគមន៍ និងទឹកចិត្តសប្បាយរីករាយថ្លែងអំណរគុណដល់ ចំពោះដំណើរមកដល់ លោកស្នងការ ស្នងការរង ដែលតែងតែយកចិត្តទុកដាក់ គិតគូសុខទុក្ខ ជីវភាព និង ជម្រុញកាន់តែមានស្មារតីអង់អាចក្លាហានក្នុងការបំពេញភារកិច្ចការពាជាតិ មាតុភូមិ និងបម្រើប្រជាពលរដ្ឋ។លោកឧត្តមសេនីយ៍ទោ ស ថេង មានប្រសាសន៍ថា ដោយមានការយកចិត្តទុកដាក់ពីសំណាក់ថ្នាក់ដឹកនាំ តែងតែគិតគូរជានិច្ច ពីកងកម្លាំងនៅជួរមុខ ការពារបូរណភាពទឹកដី រក្សាសន្តិសុខ សុវត្ថិភាព សន្តិភាព ជូនជាតិមាតុភូមិ ។ លោកស្នងការបានបន្តថា ដោយស្មារតីស្រលាញ់ ការពារ និងរក្សាសុខសន្តិភាព ជូនប្រជាពលរដ្ឋ សំដៅប្រទេសជាតិ បន្តការរីកចម្រើន អភិវឌ្ឍន៍លើគ្រប់វិស័យ លោកក៏បានជម្រុញឲ្យកម្លាំងនគរបាលការពារព្រំដែន ត្រូវខិតខំ ពង្រឹងការដើរល្បាត ជាកងកម្លាំងមានវិន័យ ទទួលខុសត្រូវលើ តួនាទីភារកិច្ចខ្លួន ទន្ទឹមនេះត្រូវរក្សា ថែទាំសុខភាពរបស់ខ្លួន ឲ្យបានល្អ ។ ក្នុងឱកាសនោះដែរ លោកស្នងការនគរបាលខេត្ត និងក្រុមការងារ បាននាំយកអំណោយជូនវរសេនាតូចការពារព្រំដែនគោកលេខ៨២៥ រួមមាន អង្ករ២តោន មី៥កេសធំ ត្រីខ៤កេសធំ ទឹសុទ្ធ៤០កេស ភេសជ្ជៈចំនួន១២០កេស ព្រមទាំងជូនដល់កម្លាំងនៃវរសេនាតូច ក្នុងមួយនាក់ ២ម៉ឺនរៀល ផងដែរ៕
ព័ត៌មានគួរចាប់អារម្មណ៍
សម្តេចធិបតី ណែនាំឱ្យក្រសួងរ៉ែ សា្ថប័នមានសមត្ថកិច្ច និងអាជ្ញាធរដែនដី ត្រូវសហការគ្នាអនុវត្តឱ្យបានម៉ឺងម៉ាត់ ដើម្បីទប់ស្កាត់ការធ្វើអាជីវកម្មរ៉ែអនាធិបតេយ្យគ្រប់រូបភាព ()
សម្តេច ម៉ែន សំអន គាំទ្រប្រធានបទ ភាពជាអ្នកដឹកនាំរបស់ស្ត្រីនៅរដ្ឋបាលមូលដ្ឋាន គឺជាការលើកគុណតម្លៃភាពជាអ្នកដឹកនាំស្ត្រី និងក្មេងស្រី នៅក្នុងរដ្ឋបាលថ្នាក់ក្រោមជាតិ ()
សម្តេចធិបតី ហ៊ុន ម៉ាណែត ចេញលិខិតជូនជនរួមជាតិ អបអរសាទរ «ក្រមាខ្មែរ» ដាក់បញ្ចូលក្នុងបញ្ជីតំណាង នៃបេតិកភណ្ឌវប្បធម៌អរូបីនៃមនុស្សជាតិ ()
ប្រធានវិទ្យាស្ថាន KSI មានជំនឿយ៉ាងមុតមាំថា ក្រោមការដឹកនាំប្រកបដោយចក្ខុវិស័យ និងភាពឈ្លាសវៃរបស់សម្ដេចបវរធិបតី កម្ពុជានឹងបន្តអភិវឌ្ឍ រីកចម្រើនឈានទៅកម្រិតខ្ពស់មួយថែមទៀត ()
សម្តេចធិបតី ឃួន សុដារី ៖ កិច្ចខិតខំប្រឹងប្រែងនិងការរួមវិភាគទានរបស់ IPTP បាននាំមកនូវការសម្រេចបានចក្ខុវិស័យនិងបំណងប្រាថ្នារួមដើម្បីសន្តិភាព វិបុលភាព និងវឌ្ឍនភាពសម្រាប់ប្រជាពលរដ្ឋ ()
វីដែអូ